“ဘုန်းကြီးတွေ ဘာကြောင့် တော်ပြီး ရဲရင့်ကြသလဲ”
ဒီခေါင်းစဉ်လေး ဖတ်ပြီးရင် အောက်ပါပုံလေးကို
ရင်ထဲစွဲသွားအောင် အရင်ကြည့်စေလိုပါသည်။ အသေအချာ သုတေသနပြုထားတာတော့ မဟုတ်ပါဘူး။ မိမိဘာသာလေ့လာသုံးသပ်မိတဲ့
အကြောင်းလေးပါပဲ။ ဒါကြောင့် လွတ်လပ်စွာကွဲလွဲခွင့် ငြင်းပယ်ခွင့်ရှိပါတယ်။ ကဲ လေ့လာကြည့်ရအောင်။
ဘုန်းကြီးဆိုတာ ဘုရားမျိုး။ ဘုရားကစ သံဃာထောင်နောက်လိုက်မွေးလို့
ဘုရားမျိုးလို့ပြောတာပါ။ ဘုရားဆိုတာ ရှင်ဘုရင်မျိုး။ ဒီရှင်ဘုရင်မျိုးကိုတော့ မြတ်စွာဘုရားလက်ထက်ကနေ
မြန်မာမင်းများလက်ထက် နောက်ဆုံး မင်းတုန်းမင်း၊ သီပေါမင်းတို့အထိပါတယ်။ ဒါကြောင့် ဘုန်းကြီးဝတ်ရင်
ဈေးမကျသေးဘူး။ ကိုရင် ဦးဇင်းဈေးကောင်းသေးတယ်။
နောက်တော့ အဲလိုမဟုတ်တော့ဘူး။ “မကောင်းကျောင်းပို့”
ဆိုတဲ့ စကားတွေသုံးလာကြပြီ။ နင့်ဒီလောက်ပျင်းနေတာ ဘုန်းကြီးသာ ၀တ်ပါဟယ်။ ကျန်းမာရေးမကောင်း
ဘာမှမလုပ်နိုင်မှတော့ ဘုန်းကြီးတာအေးရော။ တစ်ယောက်ထဲ လူပျိုကြီး မုဆိုးဖိုတွေလည်း ဘာမှမှ
သံယောဇဉ်တွယ်စရာမရှိသာ ဘုန်းကြီးဝတ်အေးရော စသဖြင့် သာသနာကို အထင်သေးလာတဲ့ လေသံတွေပေါ်လာတယ်။
သာသနာဟာ စွန့်ပစ်ခံနေရာ ဖြစ်လာတယ်။ (တကယ်တော့ အဲလိုထင်သူတွေဟာ ရယ်ချင်စရာပါပဲ။ သနားစရာသတ္တ၀ါလို့တောင်
မပြောချင်ဘူ။ ဟားချင်စရာလူတွေလို့တောင်ပြောလိုက်ချင်သေး။ လွယ်မယ်ထင်ရင် ဘုန်းကြီးဝတ်ပြီး
ဘုန်းကြီးတန်းတူအောင် ကြိုးစားကြည့်လေ။ ခေတ်စကားနဲ့ ပြောရင် နားကားသွားမယ်။ ပြာတောက်သွားမယ်)
နောက်တစ်မျိုး
ပိုက်ဆံနဲနဲရှိသူ စည်းပွားရေးပြေလည်တဲ့ သူတွေကျတော့ သင်္ကန်းဝတ်ချင်တဲ့ သူတို့သားကို
နောက်ကျမှ မမြဲဘဲ လူထွက်လာရင် “နတ်အိုးကွဲ” ဖြစ်မှာစိုးလို့တဲ့။ ဆယ်တန်းလေးအောင်မှ
ဝတ်ပါ့လားဆိုပြီး တားကြသေးတယ်။ တားကောင်း မတားကောင်းမပြောတော့ပါဘူး။ ကိုယ့်ဘာသာကိုသာစဉ်းစားကြည့်ကြပေတော့။
အများစုကတော့ သာမဏေဆိုတဲ့ ကိုရင်ဘ၀ကို ရှင်ပြုပြီးတဲ့ကာလမှစပြီး
အမြဲဝတ်လေ့ရှိကြပါတယ်။ ၁၀ ပတ်ဝန်းကျင်ပေါ့။ ဒီထက်ငယ်တာလဲရှိသလို။ နဲနဲကြီးတာလည်းရှိတတ်တယ်။
မိဘတွေကနေ နဲနဲခွဲနေတတ်တဲ့ အရွယ်လေးပေါ့။ ဒီနေရာက စပြီး စဉ်းစားကြရအောင်။
ဆယ်နှစ်ပတ်ဝန်းကျင်ဆိုတာ အိမ်မှာဆို ဘာမှသိပ်လုပ်စရာမလိုသေးဘူး။
မိဘအရိပ်အောက်မှာ အေးဆေးနေလို့ရသေးတယ်။ မိဘပေးတာစား၊ မိဘပေးဆင်တာဝတ်၊ မိဘလိမ်းပေးတဲ့
သနပ်ခါး ခေါင်းကလေ့မော့ခံပေးယုံပဲ။ အေးဆေးပဲ။
ဒါပေမယ့် ကျောင်းသင်္ကန်းဝတ်သွားရင် No
father, no mother -အဖေ မရှိ။ အမေမရှိ။ only teachers- ဆရာတွေပဲရှိတာ။ ဆရာကတော့ ဘာပေါ်သလဲမမေးနဲ့။
ကျောင်းထိုင်ဆရာတော်ကအစ သင်္ကန်းမ၀တ်တဲ့ ကျောင်းသားကြီးတွေအထိ၊ သင်္ကန်းဝတ်ပြီးတဲ့ ကိုရင်ငယ်လေးတွေအထိ
သူ့ဆရာတွေချည်းပဲ။ ဟဟ။ သူက အားလုံးမျက်နှာကြည့်နေရတော့တာ။ ဘယ်မလဲ မိဘမျက်နှာ။ သူဌေးသား
ဆင်းရဲသား သိပ်မကွာတော့ဘူး။ ၀ါကြီးတဲ့ သူဟာဆရာကြီးပဲ။ ဘုန်းကြီးကိုရင်တွေဘ၀က သိပ်စိတ်ဝင်စားစရာကောင်းတာ။
အဲဒီအခါ သူက သူ့အားကိုသူကိုးရတော့တာ။ သူအားကိုးတာ သူကိုယ်တိုင်ရပ်တည်နိုင်ဘို့မဟုတ်ဘူး။
သူများနဲ့မှီပြီး ရပ်တည်နိုင်ဘို့။ ဒီတော့ သူက ဘာရှာရသလဲဆိုတော့။ အားကိုးရှာရတော့တာ။
ဒီကျောင်းမှာ ဘယ်သူဆရာကြီးလဲ။ ဘယ်ကျောင်းသား ဆရာကြီးလည်း။ သူ့ဘာသာရှာဖွေစဉ်းစားပြီး
သူချဉ်းကပ်ရတော့တာ။ မျက်နှချိုလေးသွေး။ ပါတဲ့ ရှိတဲ့ ထန်းလျှက်လေး ချိုချဉ်ကြံသကာလေးပေးပြီး
သူမျက်နှာချိုသွေးရတော့တာ။ အစွမ်းအစက အဲဒီက စတာ။ အားကိုးရာကို သူ့ဘာသူရှာလာတော့တာ။
မကြိုက်လည်း အောင့်ခံ။ အောင့်ပေါင်း။ ညစ်လည်း ခံ။ ဒီမှာ လောကဓံတွေက စပြီ။ မနေနုနိင်
ငိုပြီးထွက်သွားရုံပဲရှိ။
ဒီတော့
သူက သူအားကိုးသူနဲ့ အဆင်ပြေအောင် ပေါင်းရသလို၊ ကျန်တဲ့ သူတွေနဲ့လည်း တည့်အောင်ပေါင်းရတော့တာ။
ကိုယ့်ရှိတာလေးတွေ မျှဝေပေးရသလို၊ အမှိုက်လည်း အမှိုတ်ကျုံးစတဲ့ သူများတာဝန်တွေလည်း သူက
မျက်နှာရလာအောင် ၀ိုင်းထမ်းပေးရတော့တာ။ အဲဒီအခါ သူ့သန္တာန်မှာ တာဝန်ယူစိတ်တွေ၊ တာဝန်ထမ်းစ်ိတ်တွေ၊
အများနဲ့နေတတ်တဲ့ စိတ်တွေတိုးလာတယ်။
နောက်တော့ ကိုရင်ကြီး ကျောင်းသားကြီးတွေက ဘေးကနေမြှောက်ပေးလို့
ကိုယ်နဲ့ရွယ်တူကောင်တို့၊ ကိုယ့်ထက်နဲနဲကြီးသူကောင်တို့နဲ့ ကြောက်ပေမယ့်၊ အနာခံပြီး
ဖိုက်တင်ပလေးရပြန်သေး။ အဲဒီမှာ ဒီကောင်က နဲနဲ ဇတွေတက်လာပြီ။ အဲလိုနဲ့ သူက တစ်ဝါ နှစ်ဝါ
(တစ်နှစ်၊နှစ်နှစ်) စသည်နေပြီးရင်တော့ သူက တောကျောင်းမှာ ဆရာကြီး အဆင့်ဖြစ်လာပြီ။ ဒီတော့
သူက စီမံကွတ်ကဲလာတော့တာ။ အမိန့်ပေးလာတော့တာ။ ဘယ်သူဘာလုပ်။ ဘယ်အိမ်ဆွမ်းပို့။ ဆွမ်းယူစသည်ဖြင့်ပေါ့။
အဲဒီလို ကျောင်းကကျောင်းသားတွေ ကိုရင်တွေက ဘုန်းကြီးကျောင်းမှာ ဒူပေဒါပေ ခံ ကျင့်နေကြတဲ့
အချိန်မှာ ရွာထဲက ကလေးတွေကတော့ အဖေအမေမျက်နှာနဲ့ ချွဲကောင်း နွဲ့ကောင်းတုန်း။ မိဘအရိပ်အောက်နေလို့ သန့်သန့်ပြန့်ပြန်လေးတွေပေါ့။
ကျောင်းကကလေးတွေကတော့ ပုံထဲကအတိုင်း ပြန်ကြည့်လိုက်၊
ကိုယ့်ခေါင်းကိုယ်ရိပ်၊ ကိုယ့်သင်္ကန်းကိုလျှော်ပြီး၊ နေရတာဆိုတော့။ ခေါင်းမှာ ဒစ်ချေးတွေနဲ့
ဗလပွ။ သင်္ကန်းကလည်း ချေးတွေ အထပ်ထပ်။ ကိုရင်ဒစ်ချေးလေးတွေပေါ့။
ဟော
အကြောင်းသင့်လို့ နောက်တစ်ဆင့်တက်တော့မယ်။ မျြို့တက်စာသင်တော့မယ်ဆိုတော့ ဒီကောင်တွေက
ဘာမှမစဉ်းစားဘူး။ မျြိ့လား ဘာမြို့လည်း မစဉ်းစားဘူး။ ဘယ်သူတွေနဲ့လည်း မစဉ်းစားဘူး။
ဆရာဘုန်းကြီးထားရာနေကြမှာ။ အဲဒီအချိန်မှာ သူတို့က ခြေတကြွကြွနဲ့။ ဘောလုံးသမား အသစ်ကလေးတွေလားကြလို့။
ကျောင်းနဲ့ အိမ်နဲ့ ကူး။ အဲဒီအချိန်မှာ သူကလည်း အိမ်နဲ့ ကျောင်းနဲ့ကူး။ အရပ်ထဲက ဆွေမျိးမိဘတွေကလည်း
နဲနဲအသိအမှတ်ပြု၊ ပိုက်ဆံလေးဘာလေးလှူတော့ ကိုယ်ပိုင်ငွေဆိုတာရှိလာပြီ။ အဲဒီအခါမှာ ရွာထဲမှာ
မိဘနဲ့နေနေကြတဲ့ ကိုကိုသန့်တို့ မောင်မောင်သန့်တို့က မိဘရင်ခွင်မှီပြီး ကြည့်နေကြတုန်းပေါ့။
ဒီလိုနဲ့ မြို့ရောက်တော့။ ဝေးပြီးပေါ့။ အဖေအမေ
ဆရာသမား။ ရပ်ရွာ။ လွမ်းတတ်ရင် ငိုပေတော့ ပါလာတဲ့ သေတ္တာပေါ်ခေါင်းတင်ပြီး ငိုတော့။ တစ်ပတ်ဆယ်ရက်
ငိုတော့။ ငိုလို့ အလွမ်းတွေကတိတ်သွားရင် တော်ရဲ့။ အလွမ်းတွေမတိတ်ဘဲ ရွာချည်းလွမ်းနေရင်။
ဒီကောင် စာသင်တိုက်ဆိုတဲ့ အဆင့်မှာ မအောင်ပြန်တော့ဘူး။ရွာပြန်ပြေးဆင့်ထဲမှာပါသွားပြီ။
အဲ အငိုတွေတိတ်ပြီး အလွမ်းတွေ အိပ်သွားပြီဆိုရင်တော့။
ရင်ဘောင်တန်းဘို့ သင်္ကန်းပြင်ဝတ်ပေတော့။ မြို့ရောက်ပြီ။ အနယ်နယ်အရပ်ရပ်ကလာကြတဲ့ သူတွေ။
မတစ်ထောင် တစ်ကောင်ဖွားတွေ ဆုံကြပြီ။ မိုက်တဲ့ သူရှိမယ်။ ကောင်းတဲ့သူရှိမယ်။ တော်တဲ့သူရှိမယ်။
ညံ့တဲ့သူရှိမယ်။ ကူညီမယ့်သူရှိမယ်။ မသိမသာ နှိပ်ကွတ်မယ့်သူရှိမယ်။ သူက ဒီလောကဓံတွေကို
သူ့နည်းသူ့ဟန်နဲ့ အကောင်းဆုံး စဖြေရှင်းနေရပြီ။
အရွယ်ကိုပြန်ကြည့်လိုက်က။ အဲဒီအခါ သူတို့ အသက်က ၁၂ နစ်ပတ်ဝန်းကျင်။ ဒါပေမယ့်
စတင်တွေ့ဆုံနေရတဲ့ လောကဓံက မသေးဘူး။ ဒီနေရာမှာတော့ No father, no mother and no
teacher also ပဲ။ အဖေမရှိဘူး။ အမေမရှိဘူး။ ဆရာလည်း မရှိဘူး။ သူငယ်ချင်းလည်း မရှိပြန်သေးဘူး။
သူရင်ဆိုင်ရတဲ့ ပတ်ဝန်းကျင်နယ်ပယ်က ရွာမှာထက် အဆင့်အများကြီးကွာသွားပြီ။ အဲဒီအချိန်မှာ
သူ့စိတ်ဓာတ် အသိထဲမှာ ကိုယ်ကိုယ်တိုင်ရပ်တည်ဘို့ဆိုတာ အေးဆေးဖြစ်သွားပြီ။ ကိုယ့်အိပ်ယာကိုယ်သိမ်း၊
ကိုယ့်သင်္ကန်းကိုလျှော် ဆိုတဲ့ အဆင့်တွေဟာ အေးဆေး အသေအမွားဖြစ်သွားပြီ။ သူ့level သူ့
key ကမြင့်သွားပြီ။
ဒီမှာ သူတွေးလိုက်တာက အတန်းထဲမှာ ဘယ်လိုဖြတ်သန်းမလဲ။
ဒီတော့ သူအတန်းထဲမှ အစွမ်းပြဘို့၊ သို့မဟုတ် တန်းတူယှဉ်နိုင်ဘို့ သူစာလုပ်မှရတော့မည်ဆိုတာ
သူသိလာတယ်။ ဒီတော့ ပါလာတဲ့ စာအုပ်ကို အဖော်ပြုပြီး သူတကုတ်ကုတ်စာလုပ်ရတော့တယ်။ ဒီလိုနဲ့
၃ နှစ်လောက်မြို့နေလာပြီး ရွာပြန်တဲ့ အခါ သူက အသက် ၁၅ နှစ်လောက်ဖြစ်လာပြီ။ အရွယ်ရောက်ခါစ၊
အားလုံး အသိအမြင်တွေတက်ကြွခါစ။ သူနေခဲ့ တဲ့ ရွာနဲ့ ကျောင်းမှာ နဲနဲ အမြင်ပြောင်းလာပြီ။
အရင်ကလို ကိုရင်ဒစ်ချေးမဟုတ်တော့ဘူး။ ဖုံထဲသဲထဲ မကစားတော့ဘူး။ ၀တ်လာတဲ့ သင်္ကန်းကလည်း
အသစ်၊ စီးလာတဲ့ ဖိနပ်ကလည်း ရွာပြန်မှစီးတာဆိုတော့ ပြောင်ပြောင်ရောင်ရောင်။
ဒါကြောင့်
သူနေတာထိုင်တာက သပ်သပ်ရပ်ရပ်ဖြစ်လာပြီ။ အဲဒီအခါ
ဟိုအရင်က ကိုကိုသန့်တို့ မောင်မောင်သန့်တို့က မိဘအရိပ်က လွတ်ခါစလေးတွေဆိုတော့ ဟိုသွားဒီသွား
ဟိုလုပ်ဒီလုပ်နဲ့ဆိုတော့ အရင်ကလို မသန့်တော့ဘူး။ ၀တ်ထားတဲ့ အ၀တ်နဲ့ အသားအရေတို့ကလည်း
အရင်လို မဟုတ်တော့ ညစ်နွမ်းနွမ်း။ တောအထာလေးတွေနဲ့ပေါ့။ လောက်လေးခွကိုင်သလိုလို၊ ဆေးပေါ့လ်ိပ်ခဲသလိုလို၊
ကွမ်းကလေးတစ်ပြစ်ပြစ်နဲ့ပေါ့။ အဲဒီအဆင့်လောက်မှာကတည်းကိုက အသိဥာဏ်ဗဟုသုတနဲ့ ရဲရင့်မှုက ကွာသွားပြီ။ ဟိုကမြို့ပြန်ကိုရင်၊ ဒီက တောသားတွေ။
ဒီလိုနဲ့ ဒီကိုရင် စာသင်လာလိုက်တာ။ ကိုရင်ကနေ
ဦးဇင်းဖြစ်၊ ဦးဇင်းကနေ ဘုန်းကြီးဖြစ်လာရော။ ဒီကြားထဲမှာ သင်ရတဲ့ စာပေနဲ့၊ အပြင်မှာဖတ်ရတဲ့
စာပေ၊ကိုယ်ကိုယ်တိုင် ဆုံးမပဲ့ပြင်ကျင့်သုံးလာ ၂၀-၂၅ လောက်ဆိုရင်ကို ဦးဇင်းတစ်ပါးရဲ့
ဘ၀အသိ၊ စာပေအသိ နဲ့ ရဲရင့်မှုက တောကလူတွေနဲ့မတူတော့ဘူး။ ကိုယ်ပိုင်အသိရှိလာပြီ။ အနာဂတ်ကိုမျှော်မှန်းတတ်လာပြီ။
ဆုံးဖြတ်တတ်လာပြီ။ ရပ်ရွာမှာလည်း ဦးဆောင်တတ်လာပြီ။ အဲဒီတော့ ရပ်ရွာလူတွေက တောမှာသူပြန်လာလို့ဖြစ်စေ၊
မြို့မှာသူ့ဆီလာလို့ဖြစ်စေ သူ့ဆီချဉ်းကပ်၊ သူ့ကို အကူအညီအတောင်းတော့ သူက အတွေ့အကြုံတွေပိုပိုတိုးလာတယ်။
လုပ်ရည်ကိုင်ရည်တွေပိုတိုးတက်လာတယ်။ အဲဒီအချိန်မှာ သူဟာ မြို့မှာ ဆရာတစ်ပိုင်းတစ်သို့မဟုတ်၊
အထက်တန်းပညာအရည်အချင်းမှာရှိနေပြီ။
၁၂နှစ်လောက်က၀တ်ပြီး စာကြိုးစား ဘ၀ကို သေချာထိမ်းသိမ်းခဲ့သူတစ်ယောက်ဆိုလျှင်
အသက် ၃၀ လောက်မှာ သူဟာ ဆရာကြီးဖြစ်နေပြီ။ ဒါပေမယ့် ငယ်ပေါင်းသူငယ်ချင်းတွေကတော့ မိန်းမသာရလို့
ကလေးသာရနေကြမယ်။ ဘာမှ မယ်မယ်ရရဖြစ်မလာဘူး။ ရွာက သာအေးဟာ ရွာက စာဥနဲ့ ညားပြီး ရွာလူကြီးကိုပင်
ရှင်ဘုရင်ထင်နေရတော့ အမြင်တွေ အသိတွေကွာပြီပေါ့။ အဲဒီကစပြီး ကြာလေကွာလေ ကြာလေကွာလေ
ကွာလာလာတော့တာပဲ။ နောက်တော့ ဦးဇင်းက ဘုန်းကြီးဖြစ်၊ ဟိုရွာထဲကလူတွေက အိမ်ထောင်သည်ဖြစ်၊
ဘုန်းကြီးက ဆရာတော်ဖြစ်၊ ဟိုရွာထဲက လူတွေကအိမ်ထောင်ဦးစီးဖြစ်၊ တစ်ရွာလုံးနဲ့ တစ်ပါး၊
တစ်ပါးစကားကို နားထောင်ကြရတော့တာ။ မှန်ပါးးးမှန်ပါးပေါ့။
ဒါတွေဟာ
အစက အများထင်သလို လွယ်လွယ်တော့ ဘယ်ဟုတ်မလဲဗျာ။ ပျင်းလို့ ဘုန်းကြီးဝတ်၊ အလုပ်မလုပ်ချင်လုပ်ဘုန်းကြီးဝတ်၊
မိန်းမရှိလို့ ဘုန်းကြီးဝတ်ဆိုတဲ့ သူတွေနဲ့ အဲလိုဝတ်နေကြသူတွေနဲ့ယှဉ်ရင် မစင်နဲ့ ထောပတ်
ကွာသလို ကွာတော့တာပေါ့။ တကယ်တော့ ဘုန်းကြီးဘ၀ဟာ ဟိုးဘ၀ငယ်ငယ်လေးထဲက ကိုယ်ထူကိုယ်ထနေလာခဲ့ပြီး၊
လောကဓံကို ကြံ့ကြံ့လည်းခံ စန့်စန့်လည်း ခံလာခဲ့လို့
စာပေတွေနဲ့ နေခဲ့လို့ ဒီလိုတွေဖြစ်တာပေါ့။
ဒါကြောင့် ဘုန်းကြီးတွေက သူတို့ကိုသူတို့ ယုံကြည်မှုတွေရှိလာကြတာ။ ရဲရင့်မှုတွေရှိလာကြတာပဲ။
သူတို့အထက်မှာ ဆရာသမားနဲ့ ဘုရားပဲရှိတော့တယ်။
No other one, no other thing -တစ်ခြား ဘယ်သူမှ ရှိတော့ဘူး။ တစ်ခြား ဘာမှမရှိတော့ဘူး။
ကဲ ဒီလို ကိုယ်ထူကိုယ်ထ ငယ်ကတည်းနေ ကြီးသည်အထိနေလာခဲ့ပြီး စာပေဗဟုသုတရှိခြင်းသည် ဘုန်းကြီးတွေ
တော်ပြီး ရဲရင့်ရခြင်း အကြောင်းလို့ မိမိကတော့ သုံးသပ်ခံစားမိပါသည်။
စိတ်ကြိုက်ကွဲလွဲခွင့်ရှိပါသည် (ဆဲခြင်း အပြစ်ပြောခြင်းကိုတော့ ဘယ်သူမှ အကျိုးမရှိသောကြောင့် မပြုကြရန် မေတ္တာရပ်ခံအပ်ပါသည်)
လောကဓံကို ကြံ့ကြံ့လည်းခံ၊ စန့်စန့်လည်းခံပြီး
ကြိုးစားနေကြသော သံဃာအားလုံးကို ဦးညွတ်လျှက်
သီတဂူအရှင်ဥာဏ၀ရ (သဗ္ဗမင်္ဂလာ)
သီတဂူဓမ္မကထိက
ခေတ္တ-အိန္ဒိယ